قرآن پاک کا اولین مقصد

اللہ تعالیٰ نے اس بے مثال کائنات کو اپنی قدرتِ کاملہ اور حکمتِ بالغہ سے تخلیق فرمایا اور اس شاہکار کائنات کی تخلیق کے بعد انسان کو اس دنیائے فانی میں بھیجا اورا س کی رشد وہدایت کے لئے متعدد انبیاء و رسل (علیھم السلام) کو مبعوث فرمایا اور اپنے برگزیدہ انبیاء و رسل کرام (علیھم السلام) پر کتب و صحائف نازل فرمائے تاکہ ان کی امت اس کتابِ ہدایت سے رہنمائی حاصل کرکے رب کی معرفت حاصل کرسکیں اورجس وقت حضرت آدم علیہ السلام کا اس دنیا میں ہبوط ہوا تو اسی وقت رب تعالیٰ نے اولادِ آدم کے لیے جامع ومانع قاعدہ وکلیہ بیان فرمایا:

یعنی اس آیت مبارکہ میں واضح ترین اشارہ اور حکم صادر فرمایا کہ میری طرف سے جو بھی پیغامِ ہدایت موصول ہو تو اس کی اتباع اور پیروی لازمی کی جائے- لہذا اللہ تعالیٰ نے مختلف اوقات میں مختلف اقوام وملل کے پاس اپنے گوناگوں خصوصیات کے حامل انبیاء و رسل کرام (علیھم السلام) کو مبعوث فرمایا تاکہ یہ برگزیدہ نفوسِ قدسیہ اللہ کے بندوں کواللہ سے ملانے کا عظیم کام سرانجام دیں پائیں کیونکہ جب ہم تاریخِ ادیان و مذاہب کا بنظرِ غائر مطالعہ کرتے ہیں تو ہمیں اس دنیا ئے عالم میں مختلف النوع عقائد ونظریات رکھنے والے لوگ نظرآتے ہیں جو کہ مختلف ’’پرستشوں‘‘ میں ملوث ہوتے ہیں- مذہبی علمِ بشریات کے نقطہ نظر (Religious Anthropological view) سے ہر معاشرے میں لوگ اپنے علاقائی خدوخال اورتہذیب و تمدن کے مطابق مظاہر پرستی (Nature Worship) میں گرفتار ہوتے ہیں-

کوئی قوم سورج کو سب سے بڑادیوتا تسلیم کرتی ہے تو کوئی قوم چاند کو سب سے بڑا خدا مانتی ہے- کوئی قوم ستاروں وسیاروں کو خدائی درجہ دے بیٹھے ہیں تو کوئی شجر وحجر،بحرو بر،پہاڑوں،جانوروں،پرندوں،درندوں،چرندوں یعنی ہر شے میں خدا کے حلول (Incarnation) کو تصور کرتے ہیں- لہذا اللہ تعالیٰ نے اپنے بندوں کی کامل رہنمائی کے لئے اپنے پسندیدہ بندوں کو منتخب فرمایا تاکہ ان لوگوں کو ’’صراطِ سقیم‘‘سے نکال کر’’صراطِ مستقیم‘‘ کی طرف رہنمائی کی جائے اور مجموعی پر ’’ظلمات ‘‘ سے نکال کر اصل’’نور‘‘ کی طرف مائل وقائل کیا جائے جس کے بارے میں رب تعالیٰ نے ارشاد فرمایا ہے:

ایک اورمقام پراللہ تعالیٰ ارشادفرماتاہے:

یعنی اللہ تعالیٰ کی اطاعت کی جائے اور دیگر بے راہ روی کی چیزوں سے منہ موڑ کر راہِ راست پر آیا جائے اورتاریکیوں کے چنگل سے نکل کر روشنی کی شاہراہ پر قدم رکھاجائے تاکہ انسان منزلِ مقصود کو پاسکے-اللہ تعالیٰ نے اس انسان کی ہدایت کے لئے متعدد انبیاء کرام مبعوث فرمائے اور اس دور کی امت کی رہنمائی اور ہدایت کے لئے الہامی کتب و صحائف نازل فرمائے جو صرف اسی دور کی امت کے لئے خاص تھے- یعنی توریت،زبور، انجیل جو نبیوں پر نازل کی گئی تو صرف اسی خاص دور کے لئے ہدایت کا سرچشمہ تصور کی جاتی ہیں-پھر رب تعالیٰ نے اپنی آخری کتاب بنام قرآن پاک نازل فرمایا جو حضرت محمد الرسول اللہ (ﷺ)پر نازل ہوا-آپ (ﷺ) جو کہ خاتم النبیین کے تاج سے سرفراز کیے گئے لہذا آپ پر نازل ہونے والی کتاب بھی قیامت تک آنے والی تمام قوموں اورلوگوں کے لئے ہے- اس میں امتِ دعوت کے لئے ہدایت ہے اورامتِ اجابت کے لئے بھی ہدایت کا خزینہ ہے اور ماضی میں ترقی و فلاح و بہبود پانے والی قوموں کا بھی ذکر خیر ہے اور ان کے زوال کے اصل اسباب بھی وضاحت سے بیان کئے گئے ہیں-یعنی عروج و زوال کا فلسفہ واضح طور پر ذکر کیا گیا ہے کہ جو قومیں اپنے خالقِ کائنات کی اطاعت کرتی ہیں وہ فلاح پا جاتی ہیں ورنہ ان کو عبرت ناک انجام کا سامنا کرنا پڑتا ہے-دین اسلام انسانیت کو راہ راست پر لانے اور ان کے مسائل حل کرنے کا داعی ہے لہذا قرآن پاک ایک ایسی غیر محرف،ترمیم واضافہ سے پاک کتاب ہے کہ جس طرح یہ کتاب نازل ہوئی تھی اسی طرح اپنی اصل حالت میں موجود ہے اور نوعِ انسانیت کے گھمبیر مسائل کا کافی و شافی حل پیش کرتا ہے اللہ تعالیٰ اس بے مثال خوبیوں کی حامل کتاب کے بارے میں فرماتا ہے:

اس کتاب سے زیادہ سے زیادہ استفادہ کرنے والوں کے بارے میں اللہ تعالیٰ نے فرمایا:

قرآن پاک رمضان المبارک کے بابرکت مہینے میں نازل فرمایا گیا، جیسا کہ فرمانِ باری تعالیٰ ہے:

اس سے معلوم ہوا کہ ہمیں قرآن پاک کی نہ صرف زیادہ سے زیادہ تلاوت کرنی چاہیے بلکہ اس کتاب ہدایت و رحمت سے اپنے شب و روز اسلامی تعلیمات و احکامات کے مطابق ڈھالنے کی طرف توجہ مبذول کرنی چاہیے-اس کی سب سے بنیادی وجہ یہ ہے کہ دین اسلام تمام تر شعبہ ہائے زندگی سے متعلق جامع رہنمائی فرماتا ہے-مذہبی، جسمانی، روحانی،اخلاقی،تعلیمی،معاشی،معاشرتی، سیاسی،سماجی، سفارتی،عسکری اور جمالیاتی حس (Aesthetical Sense) کے بارے میں ہدایت اورلائحہ عمل (Line of Action) فراہم کرنے کی بھرپور صلاحت رکھتا ہے اورہر شے کا ذکرِ خیر قرآن پاک میں موجود ہے-اللہ تعالیٰ نے ارشاد فرمایا:

لہٰذا قرآن پاک کا زیادہ سے زیادہ فہم حاصل کیا جائے، اِسے سمجھا جائے اور پورے خلوص سے اس پہ عمل پیرا ہوا جائے -اس کی شب و روز تلاوت کی جائے تاکہ دین وآخرت میں کامیابی و کامرانی ہمارا مقدر بنے-کہیں ایسا نہ ہو کہ بروز قیامت حضرت محمد مصطفےٰ احمد مجتبیٰ خاتم النبیین (ﷺ) رب کی بارگاہ میں عرض کریں:

اس لئے ضرورت اس امر کی ہے کہ قرآن پاک کی تلاوت اور اس کا فہم حاصل کرنے کے بعد اس کے احکامات کو شاہراہ زندگی پر لاگو کیا جائے کیونکہ یہی قرآن پاک کا اولین مقصد ہے - بقول شخصے:

٭٭٭

سوشل میڈیا پر شِیئر کریں