غیر مسلم شعراء کی نعت گوئی پر ایک نظر

نعت کا میدان بے حد وسیع ہے- حضور نبی کریم (ﷺ) کی شانِ اقدس میں جتنا لکھا جائے وہ کم ہے- اگر مسلمانوں کے علاوہ غیر مسلم شعراء کے ہاں نعت گوئی کے ضمن میں حضور نبی کریم (ﷺ) کی شان کے حوالے سے نعتیہ ادب کی روایت کا جائزہ لیا جائے تو ایک طویل روایت سامنے آتی ہے-اس روایت میں کئی سو شعراء ہیں - اس روایت میں ہندو، سکھ، عیسائی، بدھ مت  حتی کہ انگریز یورپی بھی شامل ہیں- ان شعراء کے ہاں آقا کریم (ﷺ) کی نعت گوئی کے حوالے سے بہت منفرد مضامین ملتے ہیں- بعض جگہوں پر یہ اندازہ لگانا بھی مشکل ہو جاتا ہے کہ یہ واقعی کسی غیرمسلم کا کلام ہے-

غیر مسلم شعراء کے ہاں نعت گوئی کی روایت کئی سو برس پر محیط ہے اس حوالے سے ڈاکٹر ریاض مجید کی رائے بہت اہمیت کی حامل ہے:

’’برصغیر میں غیر مسلم شعراء کی نعت گوئی کی روایت کا آغاز جنوبی ہند سے ہوا-مسلمان شاعروں کی طرح ہندو اورسکھ شعراء نےعقیدت و محبت کے اظہار میں حضور اکرم (ﷺ) کی سیرت ونعت کوبھی اپنی تخلیقات کاموضوع بنایا-لچھمی نرائن شفیق کا’’معراج نامہ‘‘ اور راج مکھن لال مکھن کانعتیہ کلام اس اظہارِ عقیدت کے ابتدائی نمونے ہیں -شفیق نے مثنوی کی ہیئت میں معراج کے واقعات شاعرانہ انداز میں رقم کیے ہیں-شعری التزام اوربرجستگی ان کے اسلوب کی نمایاں خصوصیات ہیں-جبکہ راجہ مکھن لال نے اپنی نعتوں میں عربی کلام اورقرآن و حدیث کے حوالے بھی دیے ہیں- خلوصِ عقیدت اورحضور اکرم (ﷺ) سے نجات و شفاعت طلبی کے مضامین ان کے ہاں عام ہیں‘‘-[1]

دلچسپ حقیقت یہ ہے کہ غیر مسلم شعراء کی نعت گوئی کے ضمن میں روایت کا مطالعہ یہ بتاتا ہے کہ غیر مسلم شعراء کی تعداد سینکڑوں میں ہے-

نمایاں غیرمسلم نعت گو شعراء میں آرزو سہارنپوری سادھو رام ، اختر ہری چند ، پروفیسر جگن ناتھ آزاد، ادب سیتا پوری کنور، سورج نرائن سنہا،آشفتہ دہلوی پنڈت امر ناتھ ، آنند جگن ناتھ پرشاد، پنڈت رگو ناتھ سہائے، پنڈت اندر جیت شرما ، بیکل امرتسری برج گوپی ناتھ،  بسنت لال ، تلسی داس ، تفتہ ہرگوپال ، تمیز لکھنوی گنگا سہائے ، جان رابرٹ ، جست سیرام پوری ، بشن نرائن ، خار دہلوی پنڈت رتن موہن زتشی ،خیال چندر بھان ، دلو رام کوثری ، درد جگدیش مہتہ ، دل منوہر لال ، رضا کالی داس گپتا ، کالکا پرشاد ،عرش ملیسانی ، کرشن موہن لال ، ماتھر لکھنوی ، مہاراجہ سر کشن پرشاد ، مہندر سنگھ بیدی، کیفی دہلوی چندر بھان، محروم پروفیسر تلوک چند اور پروفیسر نذیر قیصر شامل ہیں-

اسی طرح کتابوں کا تذکرہ کیا جائے تو فانی مراد آبادی کا مرتب کردہ انتخاب ’’ہندو شعراء کا نعتیہ کلام‘‘ عارف پبلشنگ ہاؤس لائل پور سے 1963 میں شائع ہوا جس میں ہندو شعراء کے کلام کا جائزہ ہے-محمد محفوظ الرحمن کا مرتبہ مجموعہ ’’ہندو شعرا دربارِ رسول (ﷺ)میں‘‘ گلشنِ ابراہیمی پریس لکھنؤ سے شائع ہوا -محمد الدین فوق کامرتبہ انتخاب ’’اذانِ بت کدہ‘‘ بھی اہم ہے -عبد المجید خان سوہدری کامرتبہ انتخاب ’’ہندو شعراء کانعتیہ کلام‘‘ بھی قابلِ ذکر ہے- ’’بہر زماں بہر زباں‘‘ نور احمد میرٹھی کی لکھی ہوئی مفصل کتاب ہے- جس میں غیر مسلم شعراء  کے نعتیہ گوئی کا مفصل جائزہ لیا گیا ہے-یہ کتاب ادارۂ فکر نو کراچی سے 1996 میں شائع ہوئی ہے جس کے کل 685 صفحات ہیں اور 336 شعراء کے نعتیہ کلام کو یکجا بھی کیا گیا ہے اور مدلل تعارف بھی دیا گیا ہے- ڈاکٹر اظہار احمد گلزار کی کتاب ’’سارا عالم ہے منور آپ (ﷺ) کے انوار سے‘‘ حق پبلی کیشنز لاہور سے 2009 میں شائع ہوئی جو کہ 366 صفات پر مشتمل ہے اور 257 غیر مسلم شعرأ کے کلام پہ بات کی گئی ہے-اسی طرح ایک اور کتاب کا نام ’’نعت گویان غیر مسلم‘‘ہے-اس کے مصنف پروفیسر طرزیؔ ہیں-یہ کتاب 2018 میں آئی بی ایس بُک سٹور پرائیویٹ لمیٹڈ دریا گنج نئی دہلی سے شائع ہوئی ہے- اس کتاب کے کل 285 صفحات ہیں اور 372 شعرأ کے کلام کا جائزہ لیا گیا ہے- ان مرتبہ و تالیف کردہ کتب کے علاوہ بھی کئی نمایاں ادبی و مذہبی رسائل میں غیر مسلم شعرأ کی نعت گوئی کا اجمالی جائزہ لیا گیا ہے-غیر مسلم شعرأ کے ہاں خاتم النبیین (ﷺ) کی ذات مقدسہ کو پیش کئے گئے خراجِ تحسین کی عملی مثالیں ذیل میں پیش کی جاتی ہیں-

آرزو سہارن پوری مادھو رام کا ہدیہ عقیدت:

 جگن ناتھ آزاد ادبی حلقوں کی معروف شخصیت تھے- اُن کی محبت و عقیدت کا رنگ ملاحظہ ہو:

آنند پنڈت جگن ناتھ پرشاد کا اظہارِ محبت:

ٹھاکر بوا سنگھ کا انداز فکر بھی دیکھئے (اس نعت کے بارے منقول ہے کہ شاعر کی بینائی رُخصت ہو گئی تھی ، تو اس نے ایک مسلمان حاجی کے ہاتھ یہ نعت لکھ کر مدینہ منورہ بھیجی کہ روضہء اقدس کے باہر سلام دے کر پڑھ دیجئے گا ، ایک دن شاعر نے لوگوں کو کہا کہ آج میری نعت روضہ شریف پڑھ دی گئی ہے ۔ لوگوں نے پوچھا کہ تمہیں کیسے معلوم؟ تو اس نے کہا میں اپنی بینائی لوٹتے ہوئے محسوس کر رہا ہوں -  اور معجزانہ طور پہ وقت کے ساتھ ان کی گئی ہوئی بینائی لوٹ آئی ) :

اختر ہری چند شانِ رسالت مآب (ﷺ) میں یوں لکھتے ہیں:

آزاد سونی پتی رادھا کشن کا منفرد رنگِ عقیدت :

برق بھگوان داس لکھتے ہیں :

بیدار کرپال سنگھ کی محبت کا زاویہ :

پرشاد حیدر آبادی راجہ پرشو رام کا عارفانہ رنگ:

تارا لاہور تارا چند کا محبت کا اظہار :

تمیز لکھنوی گنگا سہائے حصول عشق کے متلاشی ہیں :

جان رابرٹ کی عقیدت کا منفرد پہلو :

جست سیرام پوری بولائی جست لکھتے ہیں:

جوہر بجنوری چندر پرکاش کی عقیدت کا رنگ :

خار دہلوی پنڈت رتھن موہن ناتھ زتشی لکھتے ہیں:

’’نورِ سخن‘‘کے مؤلف نور احمد میرٹھی غیر مسلم شعرا کے نعتیہ کلام کے حوالے سے رقم طراز ہیں:

’’غیرمسلم نعت گو شاعروں نے نہ صرف نبی ِبرحق سے انتہائی خلوص وعقیدت کا اظہار کیا ہے بلکہ اکثر شعراء نے حضوراکرم (ﷺ) کے دامنِ رحمت میں پناہ مانگی ہے- تمام شاعروں نے ادب و احترام کوملحوظ رکھا ہے، بعض شعراء کے ہاں زبان و بیان کی گل افشانیاں بھی ہیں- اوراضطرابی کیفیات بھی- جذبات کی حدت بھی ہے اورمحسوسات کی شدت بھی،فکری لہروں کی روانی بھی ہے اور تاریخ کی ورق گردانی بھی - جس سے پتا چلتا ہے کہ ان شعرا نے تعلیمات اسلامی اور سیر ت النبی (ﷺ) کابغور مطالعہ کیا ہے -اسی لیے بعض شعرا نے پیغمبرِ اسلام سے اپنے تعلق کا واضح اظہار کیا ہے-ایسے اشعار پاکیزگیِ جذبات کا بہترین نمونہ ہیں‘‘-[2]

درد جگدیش مہتہ لکھتے ہیں:

ڈاکٹر دھرمیندر ناتھ کا منفرد اظہارِ محبت :

راز لائل پوری دھنپت رائے تھاپر کی عقیدت کا اظہار :

مزید کچھ شعرأ کے کلام سے چیدہ چیدہ مثالیں ملاحظہ ہوں:

رائے اروڑہ رائے:

رضا کالی داس گپتا

ساحر ہوشیار پوری اوم پرکاش :

سحر کنور مہندر سنگھ بیدی:

شفق گوپال کرشن:

طالب دہلوی شیش چندر:

عاشق ہوشیار پوری منشی رانجھا:

عرش ملیسانی:

کیفی دہلوی چندر بھان :

گلشن ہریانوی رام مورتی:

گویا گیانی کرتار سنگھ:

مشر، پنڈت پربھو دیال:

منوہر لال دلؔ:

ناشاد سرجیت سنگھ:

نذیر قیصر :

ہندوؤں اورسکھوں کے نعتیہ مجموعوں کے متعلق نور احمد میرٹھی کی رائے بہت اہم ہے :

’’یہ غیرمسلموں بالخصوص ہندوؤں اورسکھوں کی نبی اکرم (ﷺ) سے عقیدت و محبت ہی ہے،کہ متعدد شاعروں کی نعتیں ان کے شعری مجموعوں میں بھی ملتی ہیں-مگر یہ بات ہر اعتبار سے اہم ہے کہ بعض غیر مسلم شعراء کا نعتیہ ذخیرہ اتنامقبول ہوا کہ ان کے مجموعے منظرعام پرآئے-اس سلسلے میں کوثری دلو رام کانعتیہ مجموعہ ’’گلبنِ نعت کوثری‘‘، مہاراجہ سرکشن پرشاد کا مجموعہ ’’ہدیۂ شاد‘‘، بالمکند عرش ملسیانی کا مجموعۂ نعت ’’آہنگِ حجاز‘‘،الن جون مخلص بدایونی کا مجموعہ ’’گُل دستۂ نعت‘‘،آرزو سہارن پوری کا ’’ظہورِقدسی‘‘، ادیب لکھنوی کامجموعۂ نعت ’’نذرانۂ عقیدت‘‘، کالی داس گپتا رضا کا ’’اُجالے‘‘، چرن سنگھ ناز مانک پوری کا مجموعہ ’’رہبرِاعظم‘‘شائع ہوچکے ہیں‘‘-[3]

ڈاکٹر عمیر منظر کی آخر پہ رائے ملاحظہ ہو :

’’ہندوستان کے مخصوص ثقافتی اور تہذیبی پس منظر میں غیرمسلم نعت گو شعرا نے ایک بڑی خدمت انجام دی ہے-اس سے جہاں باہمی انس و محبت اور اور اخوت ویگانگت کی فضا قائم ہوئی ہے -  ان نعتوں نے منافرت اور دشمنی کے ماحول میں سرور کائنات (ﷺ) کے اخلاق اور مروت کو رہنما بنایا-ہندوستان کے کثیر ثقافتی اور تہذیبی ماحول کو یقینا نعتیہ شاعری کے سبب بڑی تقویت ملی ہے‘‘-[4]

بطور مجموعی کوشش کی گئی ہے کہ غیر مسلم شعراء کے نعتیہ کلام کا جائزہ لیا جائے لیکن چونکہ ان شعراء کی تعداد سینکڑوں میں ہے- لہٰذا تمام شعراء کے کلام کی مثالیں دینا اور ان پر مفصل بات کرنا ممکن نہیں ہے- جتنے شعراء کے کلام پہ بات کی گئی ہے یا جن شعراء کے کلام سے نعتیہ مثالیں دی گئی ہیں ان سے واضح ہوتا ہے کہ ہندو، سکھ، عیسائی اور انگریز شعراء نے اپنی فہم اور فراست کے مطابق حضور نبی اکرم (ﷺ) کی شان مبارک لکھنے کی کوشش اور کاوش کی ہے اور یہ نعتیہ انتخاب اردو ادب کی روایت میں خوبصورت اضافہ ہے-

٭٭٭

سوشل میڈیا پر شِیئر کریں