نعتیہ قصیدہ

 ’’عاشقوں کے دلوں میں جب جنون کی کیفیت ہوتی ہےتو دراصل وہ اپنے محبوب کی شفتگی اور فریفتگی میں مبتلا ہوتے ہیں‘‘-

’’جب محبوب کا درد محسوس ہونے لگتا ہے تو غم دل میں بسیرا کر لیتا ہے اور اگر محبوب کا وصال نصیب ہو جائے تو پھر جان اس پر نثار کرنے لگتے ہیں‘‘-

’’پھر وہ دونوں عالم کی لذتوں سے گزر جاتے ہیں وہ اپنی آزادی کی بنیاد کاسئہ مینا پر نہیں رکھتے‘‘-

’’سرِ مستی میں ڈوب کر وہ ہر ہستی سے گزر جاتے ہیں کیونکہ ملامت کے ڈرسےاپنے خیمے صحرا میں لگا لیتے ہیں‘‘-

’’ تاریکی سے گزر کر آخر کار آب حیات تک جا پہنچتے ہیں ہر لحظہ ان کے دل و جان اس جام جان افزاء سے مستفید ہوتے رہتے ہیں‘‘-

’’جب مثلِ خضرؑ آب حیات سے لبوں کو دھوتے ہیں تو  پھر خواجہ بطحا (ﷺ)کے قدم گاہ پر بوسے دیتے ہیں ‘‘-

’’رحمت عالم ’’رسول اللہ (ﷺ)‘‘ وہ ہیں کہ فرشتے جن کے در پر’’ لبیک اوحی اللہ ما اوحی ‘‘پڑھتے ہیں‘‘-

’’وه شہنشاه کہ جن کی شان کو انبیاء (﷩)کی توسل کی خاطر عروۃ الوثقی میں بیان کیا گیا ہے‘‘-

’’آپ(ﷺ)کو ازل سے ہی والضحی کا خطاب ملا اور آپ (ﷺ) اس مقام کے لئے شائستہ ہیں کہ جس سے آپ (ﷺ)  کو نوازا گیا‘‘-

’’جبکہ آپ (ﷺ) نے اللہ پاک کا قرب قاب و قوسین کی نزدیکی سے حاصل کیا، اس لئے ان کی شان و شوکت جس قدر بهی بیان کی  جائے کم ہے‘‘-

’’حضور(ﷺ) کی سیاه مُعطر زلف کا (سورۃ) یاسین سے اندازه لگایا جا سکتا ہے-بہشت کی مانند آپ(ﷺ)کے خوبصورت حلقوں کی تعریف (سورۃ) طحٰہ میں دیکهی جا سکتی ہے‘‘-

’’ تاکہ آفتاب آپ (ﷺ) کے چہرے مبارک کے نور سے جل نہ جائے کیونکہ بادل بھی حضور (ﷺ)  کے سر اقدس پر سایہ کر کے چلتے تھے‘‘-

’’حضرت عیسیٰؑ کے دم میں بهی آپ(ﷺ) کی پاک تاثیر رکھی گئی تھی- حضرت موسیٰ علیہ السلام کے چہرے کی تجلی میں بھی آپ (ﷺ) کے چہرہ ٔانور کا نور تھا-

’’آقاکریم(ﷺ) کے دست مبارک اتنے نرم و ملائم ہیں کہ آٹھوں  بہشت کے باغوں  کی شبنم بوسہ لیتی ہے نہ کہ ایسے کہ آسمان سے بارش کا پانی جیسے سمندر میں گرتا ہے‘‘-

’’زمین و آسمان سے فضیلت میں بر تر کعبہ ہے جو کہ آپ (ﷺ) کا مکان ہے-کائنات کے آٹھوں قصر کی پناہ گاہ حضور پاک (ﷺ) کے قدموں کی خاک ہے‘‘-

’’ چونکہ آپ(ﷺ)کے دستِ مبارک آب حیات کا منبع تھے-یہی وجہ تھی کہ آپ(ﷺ) کے طفیل کنکروں کو بھی قوتِ گویائی نصیب ہوئی‘‘-

’’آپ(ﷺ) کی انگشت مبارک دو کمان اور تیر کی مانند ہے جس سے بصورت مجبوری دشمن کو ہدف بنایا جاتا ہے‘‘-

’’ہر وجود میں اپنی قدر و منزلت کا احساس دلانے کےلئے آپ (ﷺ) کی ذات اقدس نے سینکڑوں پتھر تنہا اپنے وجود پر سہے‘‘-

’’اطلس کے خیمے اس دنیا کی آلائشات کو ختم کرنے کے لئے ساتوں آسمانوں پر شفاف آئینہ کی طرح نصب ہیں‘‘-

’’آپ (ﷺ) کی سواری کا میدان بھی اعلیٰ و برتر ہے، آپ (ﷺ)کے ہمراہان  (ساتھیوں) کا ٹهکانہ بهی دنیا نہیں ہے‘‘-

’’آپ (ﷺ)کی گلی کے مشعل بردار بهی حقیر چیز کو باحیثیت بنا دیتے ہیں-آپ (ﷺ) کی درگاه سب کے لیے سائبانِ مہر و محبت ہے‘‘-

آپ (ﷺ)  نے دنیا داروں سے مال و دولت قبول نہ کی-

حتی کہ آپ (ﷺ) کی راہ پر ( کفار ) نے مال و دولت کے ڈھیر تک لگائے‘‘-

’’حضور(ﷺ)کے غلام ماسوائے اللہ، کسی کے سامنے سر نہیں جھکاتے-اولی و اخری مقام  آپ (ﷺ) کے غلاموں کی پہنچ میں ہے‘‘-

’’اللہ تعالیٰ کی محبت بھی نصیب نہیں ہوتی جب تک کہ حضور(ﷺ) کی محبت دل میں نہ ہو-آپ (ﷺ) کی محبت سے ہی اللہ تعالیٰ کی محبت نصیب ہوتی ہے‘‘-

’’جو کوئی آپ(ﷺ) کو اپنے آپ سے بڑھ کر عزیز نہیں رکهتا وہ رانده درگاه ہے-آپ (ﷺ)  کی ذات گرامی سے محبت کے بغیر سارے جہان کی عبادت بهی کسی کام کی نہیں‘‘-

’’جو آپ (ﷺ) کو اپنا محبوب بنا لیتا ہے، اگرچہ  وہ تمام جہان کا گناہ گار بھی ہو-وہ اپنا مقام جنت الماویٰ میں حاصل کر لیتا ہے‘‘-

’’جو کوئی آپ (ﷺ) کی اطاعت کے بغیر راہبری کا دعویٰ کرے وہ جھوٹا ہے اس کی آنکھوں میں جہان کی خاک ڈال دی جاتی ہے‘‘-

’’یہ عراقی حضور(ﷺ) کا غلام ہے روز محشر حضور (ﷺ)  اپنے خیمے سے اس مسکین پر ضرور نظر شفقت فرمائیں گے‘‘-

٭٭٭

سوشل میڈیا پر شِیئر کریں