اردو میں قرآنی محاورات

قران نے صرف عربی زبان ہی کو نہیں بلکہ دنیا کی متعدد زبانوں کو متاثر کیا ہے-انہیں نئے تصوّرات بھی دیئے ہیں اور نئے الفاظ اور تراکیب بھی، نئی بندشیں اور محاورے بھی دیئے ہیں اور نئی تشبیہات اور استعمارے بھی، حقیقت یہ ہے کہ دنیائے ادب پر قرآن کے احسانات اتنے ہیں کہ ان کا احاطہ ناممکن ہے-محترم ڈاکٹر غلام مصطفےٰ صاحب نے اپنے ایک تحقیقی مضمون میں اردو اور فارسی میں استعمال ہونے والے ایسے ستانوے محاورات پیش کئے ہیں جو قرآن کے زیر ِ اثر اردو اور فارسی میں مستعمل ہوئے ہیں- ہم موصوف کے اس قیمتی مضمون کی تلخیص پیش کر رہے ہیں-(ایڈیٹر)

1-’’اِہْدِ نَا الصِّرَاطَ الْمُسْتَقِیْمَ ‘‘[1]            ’’ ہم کو سیدھا راستہ چلا‘‘

دنیا کی اکثر زبانوں میں یہ استعمارہ آتا ہے جس سے بھلائی اور خیر مراد ہے- راہِ راست (فارسی Right Path ، فرانسیسیRestewag Bon Cheminc) وغیرہ سب ایک ہی مفہوم اور معنی رکھتےہیں-

2-خَتَمَ اللّٰہُ عَلٰی قُلُوْبِہِمْ وَ عَلٰی سَمْعِہِمْ^ط وَ عَلٰی اَبْصَارِہِمْ غِشَاوَۃٌ [2]

’’مہر کر دی اللہ نے ان کے دلوں پر اور کانوں پر اور ان کے دلوں پر پردہ ہے‘‘-

اردو میں ’’دلوں پر مہر‘‘ آتا ہے- محمد حسین آزاد نے مان سنگھ کے متعلق لکھا ہے کہ :

’’تو آپ کے سفر میں ایک مقام پر شاہ دولت کے اوصاف و کمالات سنے، خدمت میں حاضر ہوا وہ اس کی پاکیزہ اور سنجیدہ گفتگو سے بہت خوش ہوا اور کہا کے مان سنگھ مسلمان کیوں نہیں ہو جاتے، اس نے مسکرا کر کہا: خدا کی  مُہر ہے- بندہ کیوں کر اٹھا لے کہ گستاخی ہے‘‘- (دربار اکبری)

’’مُہر لگ جانا‘‘ بھی آتا ہے- حالی کہتے ہیں:

’’مُہر برلب‘‘بھی آتا ہے- شبلی کہتے ہیں :

3-’’آنکھوں پر پردہ‘‘ بھی آتا ہے-

4-’’ صُمٌّ بُكْمٌ عُمْيٌ فَهُمْ لَا يَرْجِعُوْنَ‘‘[5]

’’بہرے ہیں گونگے ہیں، اندھے ہیں،سو وہ نہیں لوٹیں گے‘‘-

اردو میں ’’صُمٌّ بُكْمٌ‘‘ ہی محاورہ بن گیا ہے- یعنی خاموش اور دم بخود ہو جانا- محمد حسین آزاد نے ذوق کے ایک قصیدے کے متعلق (پیری میں پر ضرور ہے جامِ شرابِ تاب) لکھا ہے کہ :

’’صبح کو دربار میں حاضر ہوئے- وقتِ معین پر ایماء ہوا کہ استاد اپنا قصیدہ عرض کریں- انہوں نے پڑھنا شروع کیا مگر کیا دیکھتے ہیں کہ تمام دربار دم بخود، کئی شعر پڑگئے سب ’’صُمٌّ بُكْمٌ

5-يَجْعَلُونَ أَصَابِعَهُمْ فِي آذَانِهِم مِّنَ الصَّوَاعِقِ حَذَرَ الْمَوْتِ ‘‘[6]

’’موت کے ڈر سے مارے کڑک کے انگلیاں اپنے کانوں میں ٹھونسے لیتے ہیں‘‘-

 خوف سے کانوں میں انگلیاں دینا اردو میں مستعمل ہے- امیر لکھنوی کا شعر ہے :

6-’’صِبْغَۃَ اللہِ‘‘[7]              ’’رنگ دیا تم کو اللہ نے‘‘-

صبغۃ مصدر ہے بمعنی رنگ دینا، رنگ چڑھادینا، حالت بدل دینا وغیرہ- اردو میں مستعمل ہے بیان میرٹھی کا شعر ہے:

7-’’اُولٰٓئِكَ مَا يَاْكُلُوْنَ فِىْ بُطُوْنِـهِـمْ اِلَّا النَّارَ‘‘ [8]

’’یہ لوگ نہیں کھاتے ہیں اپنے پیٹوں میں مگر آگ- آگ کھانا‘‘-

’’حرام مال پیٹ میں ڈالنا‘‘کے مترادف ہے- حرام مال کیونکہ آخرت میں نارِ دوزخ کا سبب بنے گا- اس لیے اس کو دنیا میں بھی آگ سے تشبیہ دی ہے- اردو میں بھی استعمال ہوتا ہے - آگ کھائیں اور انگارے - مشہور محاورہ ہے - اس سے مراد حرام کھانا ہی ہے - آگ پھانکنا بھی آتا ہے- ذوق کا شعر ہے کہ :

8-’’وَتَزَوَّدُوْا فَاِنَّ خَيْـرَ الزَّادِ التَّقْوٰى‘‘ [9]

’’اور زادِ راہ لو- البتہ بہترین زادِ راہ تقویٰ اور پرہیزگاری ہے‘‘-

 یعنی آخرت کے سفر کیلیے توشہ- اردو میں بھی پاکبازی اور پرہیزگاری کیلئے توشۂ آخرت بولتے ہیں- ظفر کا شعر ہے :

رند کے دو شعر ہیں:

9- ’’وَ اِذَا خَلَوْا عَضُّوْا عَلَیْکُمُ الْاَنَامِلَ مِنَ الْغَیْظِ‘‘[10]

’’اور جب اکیلے ہوتے ہیں تو تم پر مارے غصے کے انگلیوں کی پوریں کاٹتے ہیں‘‘-

 انامل، انملہ کی جمع ہے یعنی انگلی کی پور-اردو میں اس محاورے کے سلسلے میں تھوڑا سا فرق ہے- غصے میں بوٹیاں کاٹنا اور اپنا جسم دانتوں سے کاٹ کھانا مستعمل ہے- انگلیاں کاٹنا (تاسف کے ساتھ) حیرت زدہ ہونے کی جگہ بولا جاتا ہے-

آتش کہتے ہیں :

ناسخ کا شعر ہے:

نسیم لکھنوی لکھتے ہیں :

10-’’وَجَعَلْنَا عَلَىٰ قُلُوبِهِمْ أَكِنَّةً‘‘[11]

اور ہم نے ان کے دلوں پر غلاف (پردے) ڈال دیئے-( پارہ 15/5میں بھی ہے ) اردو میں دلوں پر پردہ آتا ہے-

خلیل(شاگرد آتش) کا شعر ہے:

’’عقلوں پر پردے‘‘ بھی مستعمل ہے- اکبر الٰہ آبادی کا مشہور قطعہ ہے:

11-’’فَخَلُّوْا سَبِيْلَهُمْ ‘‘[12]          ’’پس چھوڑ دو ان کا راستہ‘‘-

اردو میں بھی راستہ دیدینا، راستہ چھوڑنا، سروکار نہ رکھنا وغیرہ مستعمل ہے- جرأت کا شعر ہے :

12-’’وَیَقْبِضُوْنَ اَیْدِیَہُمْ‘‘[13]

’’اور بند رکھیں اپنی مٹھی (خرچ کرنے کے اصلی موقعوں پر)‘‘

اردو میں جوڑ جوڑ کر رکھنے کے معنی میں آتا ہے -

ظفر کے دو شعر ہیں :

13-وَّأَعْيُنُهُمْ تَفِيْضُ مِنَ الدَّمْعِ حَزَنًا‘‘[14]

’’اور ان کی آنکھوں سے بہتے تھے آنسو اس غم میں کہ نہیں پاتے وہ چیز جو خرچ کریں‘‘-

 تفیض امنڈ کر نکلنا، پھوٹ بہنا مقصود ہے-غم سے آنکھوں کا پھوٹ بہنا اردو میں آتا ہے - درد کہتے ہیں:

آتش کا شعر ہے :

14-’’وَابْيَضَّتْ عَيْنَاهُ مِنَ الْحُزْنِ ‘‘[15]

’’اور غم سے ان کی (یعقوب کی) آنکھیں سفید ہو گئیں‘‘-

اردو میں انتہائی گریہ سے آنکھیں سفید ہو جانا آتا ہے-

امیر لکھنوی کا شعر ہے:

15-الَّذِیْنَ كَانَتْ اَعْیُنُهُمْ فِیْ غِطَآءٍ عَنْ ذِكْرِیْ‘‘[16]

’’(کافر) جن کی آنکھوں پر پردہ پڑا تھا، میری یاد سے ‘‘-

ظفر کا شعر ہے :

16- تَكَادُ السَّمَاوَاتُ يَتَفَطَّرْنَ مِنْهُ وَتَنْشَقُّ الْأَرْضُ وَتَخِرُّالْجِبَالُ هَدًّا‘‘[17]

’’اللہ پاک کی شان میں کس قدر گستاخی ہے کہ لوگ اس کی شان میں اولاد کی احتیاج کرنے لگے- بعید نہیں کے اس گستاخی پر  ابھی آسمان پھٹ پڑیں، اس بات سے اور ٹکڑے ہو زمین اور گر پڑیں پہاڑ دھے کر ‘‘-

اردو میں بھی یہ دعا کے طور پر کہتے ہیں کہ خدا کا غضب نازل ہو ، آسمان ٹوٹ پڑے ، آسمان پھٹ پڑے وغیرہ -

امیر کا شعر ہے :

رند کہتے ہیں:

17-فَتُخْبِتَ لَهُ قُلُوبُهُمْ‘‘[18]

’’نرم ہو جائیں اس کے آگے ان کے دل ‘‘-

اردو میں بھی دل نرم ہونا، دل کا پگھلنا آتا ہے-جس کے معنی ہیں دل میں اثر ہونا -

ناسخ کا شعر ہے :

٭٭٭

(بشکریہ: ’’ سیارہ ڈائجسٹ ، قرآن نمبر ‘‘ اشاعت:جنوری1970ء)

سوشل میڈیا پر شِیئر کریں